Həmin bəyanatı FAKTXEBER internet saytina istinadla təqdim edirik:
"Bağışlayan və mehriban Allahın adı ilə
Qəsbkar sionist rejim başçısının Azərbaycana gəlişi müxtəlif insanlar, qrup və təşkilatlar tərəfindən birmənalı qarşılanmır. Biz Azərbaycan Respublikasının xaricdə təhsil alan bir qrup tələbəsi, Şimon Peresin Azərbaycana rəsmi səfərinə mənfi baxır və bu addımı bütün dünya müsəlmanları kimi tənqid edirik. Biz bir müsəlman olaraq sionizmin dünya müsəlmanlarının qatı düşməni olmasını, Quran baxımından sizin diqqətinizə çatdırırıq: "Sən yəhuduləri iman gətirənlərə qarşı ən şiddətli düşmən görərsən"("Maidə", 82) Ayədəki "yəhudi" kəlməsi müsəlmanlarla düşmənçilik edən sionistlərə şamil olunur. Azərbaycan-İsrail dostluğu Quran baxımından da yanlışdır. Necə ki Qurani-Kərim buyurur: "Yəhudi və məsihilər heç vaxt onların dinlərini qəbul etməyincə səndən (peyğəmbərdən) razı olmazlar..." Onların bizimlə dostluğu yalandır. Necə ki BMT Baş Assambleyasının martın 14-də keçirilən toplantısında qəbul olunan "Azərbaycanın işğal olunmuş ərazilərində vəziyyətə dair" qətnaməsində İsrailin mövqesi bitərəf oldu. Onlar özlərini dost kimi göstərməklə əslində öz mənafelərini izləyirlər. Özlərini sülhsevər göstərən sionistlər bir il bundan öncə Qəzzada 6 minə yaxın günahsız insan qətlə yetirdi. Bu qaniçən rejimin əqidə kitabı olan Talmuda görə, onlar qeyri-yəhudiləri insan saymırlar. Bu prezidentin də həmin təlimləri mükəmməl öyrəndiyinə mətbuatda rast gəlmək olar. Buna misal olaraq Talmuddan bir neçə misal diqqətinizə çatdırmaq istəyirik: "Qalaxaya görə (Talmudda yığılmış yəhudi mətləbləri) "insan" sözü ancaq yəhudilərə aiddir. Orada deyilir: "Yalnız və yalnız yəhudilər Adəm övladlarıdır, qeyriləri yox. Qeyri-yəhudini öldürmüş yəhudi, ancaq göylərdə sorğu-sual olunacaq. Amma bunu öz əli ilə etməsə, ona sorğu-sual yoxdur! Qeyri-yəhudini ölümdən xilas etmək qadağandır! Qeyri-yəhudinin cismi ulaq (uzunqulaq) cismidir!"
Bu sözlər Talmud ensiklopediyasının "Qeyri-yəhudilər" bölməsində yazılıb. Qardaş Türkiyə Cumhuriyyətinin Davosdakı nümayəndəsi, baş nazir Rəcəb Təyyub Ərdoğan bu mənfur rejimin Qəzzada tökdüyü günahsız qanlara etiraz olaraq iqtisadi forumu tərk etdi. Biz isə bu gün qardaş Türkiyənin əksinə olaraq qaniçən rejimin dövlət başçısına qucaq açırıq."
_thumb.jpg)
