“Yaxın Şərqin əsir mübadiləsi” baş tutacaqmı?

Gilad Şalitin İsrail tərəfinə təhvil verilməsi müqabilində 1000 fələstinli məhbusun sərbəst buraxılacağı gözlənilir. Misirin paytaxtı Qahirədə İsrail və HƏMAS nümayəndələri arasında əsir mübadiləsinə dair danışıqların müsbət nəticələnəcəyi bildirilir. Misir mətbuatı G.Şalitin Qurban bayramından əvvəl sərbəst buraxılacağı təqdirdə İsrail tərəfinin Fələstinin “əl-Fəth” təşkilatının liderlərindən olan Mərvan Barquti də daxil olmaqla 1000-ə qədər fələstinlini sərbəst buraxacağını yazıb.

Mətbuatda dərc olunan xəbərlərdə Misir və Almaniyanın vasitəçiliyi ilə davam edən danışıqlarda müəyyən detallar istisna olmaqla ortaq məxrəcə gəlindiyi bildirilir. Fələstinli mənbələrin bildirdiyinə görə, sərbəst buraxılacaq Fəth liderləri arasında M.Barquti ilə yanaşı, Fələstin Xalq Azadlıq Cəbhəsinin Baş katibi Əhməd Səadət də var.

Razılaşmanın ilk mərhələsində Şalitin Misir tərəfinə təhvil verilməsi, İsrailin də bunun əvəzində 450-ə qədər fələstinli əsiri sərbəst buraxması nəzərdə tutulur. Şalitin Misirdən İsrailə təhvil veriləcəyi zaman isə daha 650 fələstinli əsirin sərbəst buraxılması planlaşdırılır.

/haber3/

/AzeriMuslims/

В этом разделе