Hələbdə dinc sakinlərin ölməsi haqda yayılan xəbərlər informasiya müharibəsidir - TƏFƏRRÜAT

313news-un islamazeri.az-a istinadən verdiyi xəbərə görə, Hələb şəhər könüllüləri bildiriblər ki, şərqi Hələbdə hava zərbələri nəticəsində qadın və uşaqların ölməsi haqda səsləndirilən bəyanatlar informasiya müharibəsinin bir hissəsidir.

Bu "müharibənin" məqsədi bütün dünyanı Suriya ordusu və onun müttəfiqlərinə qarşı etməkdir.

Daha əvvəl bir sıra KİV Hələbin şərqində hava zərbəsi nəticəsində 12 nəfərdən ibarət ailənin ölməsi haqda xəbər yaymışdı.

"Terrorçular çətin vəziyyətdədir. Onlara dəstək lazımdır, odur ki, onlar hava zərbələri nəticəsində uşaq və qadınların ölməsi haqqında saxta xəbərlər düzəldirlər. Məqsədi Qərb və digərlərini bizim ordu və ruslara qarşı etmək olan mənasız informasiya müharibəsi gedir", - deyə könüllülərdən bildirblər.

Könüllülərin sözlərinə görə, hər gün məhz qadın və uşaqların ölümü haqda danışılsa və onlarla terrorçunun məhv edilməsi haqda heç bir xəbər danışılmasa, o zaman bu "insanları düşünməyə məcbur edəcək": "Bizim (Suriya ordusu və könüllülərin - red.) məqsədimiz öz xalqımızı terrorizmdən xilas etməkdir, dinc əhalini məhv etmək yox".

Cümə günü ölkə ordusunun Siyasi İdarəsinin Məlumat Şöbəsinin rəhbəri briqada generalı Samir Süleyman "Sputnik" agentliyinə bildirib ki, Suriya HHQ mülki obyekt və ya mülki şəxslərlə bağlı heç bir hədəfə hücum etməyib. Suriya Ərəb Respublikasının ordusu təkcə hərbi hədəflər və terrorçuların toplaşdığı yerləri zərbələrə məruz qoyur. Zərbələrdən öncə isə kəşfiyyat və əsaslı şəkildə müşahidələr aparılır.

Xatırladaq ki, "Reuters" agentliyi cümə günü bildirmişdi ki, Hələb şəhərinin terrorçular tərəfindən tutulmuş ərazilərinin intensiv bombardmana tutulması nəticəsində 70-dən çox insan həyatını itirib. Bombardmanın kim tərəfindən həyata keçirilməsi haqda xəbər verilməyib.

Qeyd edək ki, "Hələbin Vətəndaş Müdafiəsi" təşkilatı "Nusra Cəbhəsi" və digər terror təşkilatlarının nəzarəti altında olan ərazilərdə işləyir. Suriya hökuməti adı çəkilən təşkilatı vətəndaş təşkilatı hesab etmir və hesab edir ki, ora daxil olan ekstremistlərin tərəfdarları xilasedici görkəmi altında radikal qruplaşmaların maraqları üçün informasiya sahəsində işləyirlər. İşlərin məqsədi Suriya hökumətini və ordusunu nüfuzdan salmaqdır. Onların verdiyi məlumatı yoxlamaq qeyri-mümkündür, çünki terrorçuları dəstəkləməyən şəxslər terrorçuların nəzarəti altındakı ərazilərə buraxılmırlar.

В этом разделе