İraq Regional Kürd Muxtariyyətindən Türkiyəyə neft ixracatı gündəlik 60 min barelə çatıb
"İslamazeri"nin "YDH"yə istinadən verdiyi xəbərə görə, İraq Regional Kürd Muxtariyyətindən Türkiyəyə neft ixracatı 2 dəfə artıb.
Məlumata görə, Kürdüstan Muxtariyyətindən Türkiyəyə neft ixracatı gündəlik 60 min barelə çatıb.
Hal-hazırda 350 neft tankeriylə daşınan neftin gündəlik 70 min barelə çatdırılması planlaşdırılır.
Türkiyə ilə regional rəhbərlik arasında çəkilən neft boru xəttiylə neftin daşınması isə 2014-cü ildən planlaşdırılır.
Qeyd edək ki, İraqın Bağdaddakı mərkəzi hökuməti, Kürdüstan Muxtariyyətinin tək tərəfli neft ixrac etməsinin qeyri-qanuni olduğunu ifadə edərək Türkiyəni müxtariyyətlə müstəqil bir dövlət əlaqəsi qurmaqla günahlandırır.
