Misir hökuməti Qəzza müsəlmanlarına növbəti dəfə zərbə vurdu

Avropa ölkələrindən Qəzza bölgəsinə humanitar yardımların göndərilməsi davam edir Ancaq Misir hökuməti Rəfəh keçid məntəqəsinin açılmasına icazə vermədiyi üçün göndərilən yardımların Port Səid limanında saxlanıldığı bildirilib. Belə ki, Fransa, Belçika, Almaniya və İngiltərədən gələn ona yaxın xeyriyyəçi bir neçə gün əvvəl Qəzzalı uşaqlar üçün keçiriləcək Beynəlxalq Həmrəylik Kampaniyasında iştirak etmək üçün Port Səidə gəlib. Kampaniyanın təşkilatçıları isə dünən Misirin hökumət nümayəndələri ilə göndərilən humanitar yardımların Rəfəh keçid məntəqəsi ilə Qəzzaya daşınması haqda danışıqlar apardıqlarını bildiriblər. Ərəb –Almaniya Cəmiyyətinin təmsilçisi Camal Borno kampaniyada iştirak etmək üçün Avropa ölkələrindən gələn xeyriyyəçilərin Misir hökumətinin verdiyi qərardan təəccübləndiklərini deyib. Belə ki, Misir hökuməti yardımların Rəfəh keçid məntəqəsindən deyil, Ərş limanı vasitəsi ilə daşınmasına icazə verib. Habelə C.Borno belə olacağı təqdirdə yardımların daşınmasında maddi çəhətdən çətinliklərin olacağını və bunun həftələrlə davam edəcəyini bildirib.

Qeyd edək ki, göndərilmiş yardımlar arasında elektron əlil arabaları, əlil şagird və tələbələri məktəbə aparıb-gətirmək üçün istifadə ediləcək kiçik avtobuslar var. 

 /aljazeera/

/azerimuslims/

В этом разделе