Rəsmi Təl-Əviv münasibətlərinin bərpa olunacağına ümid edir
İsrail Türkiyə ilə münasibətlərinin bərpa olunacağına ümid edir. Bu barədə ölkənin rəsmi nümayəndəsi danışıb-"ANS PRESS" xəbər verir.
Qeyd edək ki, ötən gün BMT Qəzzaya yardım aparan “Azadlıq donanması”nda baş verən qanlı hadisənin təfərrüatlarını araşdırmaq üçün yaradılmış komissiyanın yekun qərarını açıqlanıb. Sənəddə əks olunanlarla razılaşdığını etiraf edən İsrail eyni zamanda Türkiyədən üzr istəməyəcəyini bəyan edib.
Təl-Əviv Ankaranı beynəlxalq dəniz hüququna hörmət etməyə çağırıb.
Xatırladaq ki, ötən gün İsraildən üzrxahlıq gözləyən Türkiyə bu ölkə ilə münasibətlərinə son nöqtə qoymaq qərarına gəlib. Türkiyə İsraildəki səfirini geri çağıraraq, ikitərəfli münasibətləri səfirliyin ikinci katibliyi səviyyəsinə endirdi.
