Səud dövləti İslam respublikasını ittiham edib
313news.net Bir neçə gün əvvəl əvvəl İran parlamentinin Səudiyyə Ərəbistanına xəbərdarlığına cavab özünü çox gözlətməyib. Xatırladaq ki, İranlı millət vəkilləri Səud dövlətinin Bəhreynə qoşun yeridərək odla oynadığını bildirmişdilər.
Səudiyyə Ərəbistanının Ankara səfirliyindən verilən açıqlamada qeyd edilir ki, "İran parlamentinin bəyanatı beynəlxalq hüquqa ziddir. Sözügedən bəyanat İranın qonşuluq prinsiplərini heçə saymasına və onların daxili işlərinə qarışaraq müstəqillik və suverenliklərini pozmasına açıq sübutdur". Açıqlamada həmçinin İranın şəbəkə vasitəsilə Küveytə də müdaxilə etdiyi bildirilir.
Səudiyyə Ərəbistanı şura məclisi də İranın məzhəblərlərarası münaqişləri alovlandırdığını bildirib. /ABNA/
