Iran parlamentinin spikeri Barak Obamaya cavab verib

Əli Laricani: “Bu problemi təbrik çıxışları və ya gözəl sözlərlə həll etmək mümkün deyil” İran parlamentinin spikeri Əli Laricani ABŞ prezidenti Barak Obamanın Novruz bayramı münasibəti ilə İran xalqına və bu ölkənin siyasi liderlərinə müraciətinə münasibət bildirib. İraqda müqəddəs Nəcəf şəhərini ziyarət edən Əli Laricani burda Ayətullah Əli Sistani ilə görüşüb. Daha sonra keçrdiyi mətbuat konfransında Obamanın dedikləri üçün “gözəl sözlər” – deyən Laricani bunun kifayət etmədiyini bildirib. “ABŞ-la olan münasibətlərimizi hisslərə bağlamamalıyıq. Bu problemi təbrik çıxışları və ya gözəl sözlərlə həll etmək mümkün deyil. Bu mübarizənin 30 illik tarixi var. ABŞ həmişə İran İslam respublikasına qarşı mövqedə olub”.
Xatırladaq ki, ABŞ prezidenti Barak Obama Novruz bayramı münasibəti ilə İran xalqına və bu ölkənin siyasi liderlərinə müraciət etmişdi. O öz müraciətində İranla ABŞ arasında barışıq prosesinin hədələrlə müşaiyət olunmayacağını demişdi. /ANSPRESS/

В этом разделе