PKK terror təşkilatının yayım orqanı olan və 2004-cü il martın 1-dən fəaliyyətə başlayan ROJ TV-nin yayımı dayandırılıb.
Lent.az-ın “hurriyet”ə istinadən məlumatına görə, kanal Danimarkadan 78 ölkəyə yayımlanır. Bu televiziyanın fəaliyyəti Türkiyə ilə Danimarka arasında gərginliyə səbəb olub.
Televiziyanın yayımının Türkiyənin istəyi ilə dayandırıldığı iddia edilsə də, Danimarka bunun texniki səbəblərlə əlaqələndirib. Ancaq bu barədə hər hansı rəsmi açıqlama verilməyib.
Qeyd edək ki, Danimarkadan yayıma blok qoyulub. Nəticədə Türkiyə də daxil olmaqla, heç bir ölkədə kanal yayımlanmır. Peyk antena vasitəsilə yayımlanan kanalda siqnal olmadığı barədə xəbərdarlıq edilir.
Hazırda ROJ TV-nin yayım üçün başqa kanal axtardığı bildirilir.
LENT.AZ
