Taliban hökümətlə danışıqlara gedir?!

"Sandi" Tayms qəzeti: “Molla Məhəmməd Ömər H. Qərzai hökuməti ilə danışıqların başlanmasına yaşıl işıq yandırıb”

İngiltərənin “Sandi Tayms” qəzetində dərc olunan xəbərə görə, Taliban hərəkatının lideri Molla Məhəmməd Ömər hökumətlə danışıqlara başlanılmasına razılıq verib.
“İslamonline.net” informasiya portalında yerləşdirilən məlumata əsasən isə tərəflər arasında vasitəçi rolunda Səudiyyə Ərəbistanı rəsmiləri çıxış ediblər.

“Bu, tam məxfi bir məlumat idi. Ancaq bizim Molla Ömərin ən yaxın ətrafı, eləcə də onun cəbhə xəttindəki komandirləri ilə əlaqələrimiz var. Artıq böyük bir addım atılıb. Belə ki, tərəflər ilk dəfədir ki, danışıqların keçirilməsi barədə razılığa gəliblər” – deyə Londonda yaşayan və vaxtilə Üsamə bin Ladenə yaxınlığı ilə tanınan Abdullah Ənəs bildirib.

Qəzetin xəbərinə görə, sözügedən razılığın əldə olunmasında ən böyük pay sahibi ABŞ prezidenti Barak Obamadır. Belə ki, o, bir müddət əvvəl çıxışlarının birində Birləşmiş Ştatların rəhbərliyi ilə NATO qüvvələrinin Əfqanıstanda aparılan müharibədə qələbə qazana bilməyəcəyini deyərək, Talibanın “mülayim” qanadı ilə danışıqlara başlamağa hazır olduğunu qeyd etmişdi.

media-islam.com

В этом разделе