Kilsədə atışma

ABŞ-da baş verən hadisədə xəsarət alanlar var

Amerika Birləşmiş Ştatlarının Kaliforniya əyalətindəki kilsələrdən birində atışma olub. Hadisə dünən səhər Riçmand şəhərindəki kilsədə dini ayin zamanı baş verib. Belə ki, kilsəyə girən 3 nəfər əvvəlcə adamların içində kimisə axtarıblar. Daha sonra onlardan biri əlindəki avtomatdan atəş açmağa başlayıb. Nəticədə iki yeniyetmə xəsarət alıb. Yaralılar dərhal xəstəxanaya aparılıblar. Hadisə zamanı isə kilsədə 100-ə yaxın adam olub.

Atəş açan və onun yanında olan iki nəfər üzlərini papaqla gizlədərək qaça biliblər.

Silahlı insidentdən sonra kilsədəki ayin davam edib. Rahiblər "ayin istənilən halda davam etdirilməli idi. Biz heç kim ölmədiyi üçün Allah dua edirdik", deyə bildiriblər. /anspress/

В этом разделе