CNN Türk-ün məlumatına görə, Danimarkanın müstəqil mətbuat dərnəyi verdiyi açıqlamada bildirib ki, 1000 ədəd sürətin hər biri karikaturaçı Kurt Vesterqaerdin imzası ilə 1400 Danimarka kronuna satılacaq. Açıqlamada həmçinin bildirilir ki, Vesterqaerd sürətlərin satışa çıxarılması üçün dərnəyə icazə verib.
Xatırladaq ki, Kurt Vesterqaerdin də karikaturası daxil olmaqla danimarkalı rəssamların Məhəmməd Peyğəmbəri (s) təqhir edən 12 karikaturası ilk dəfə 2005-ci ildə Danimarka qəzetində dərc edilmişdi. Bu addım İslam dünyasında böyük etirazlara səbəb olmuşdu. /ANS PRESS/
