ABŞ və Rusiya prezidentləri Qəbələ RLS-dən birgə istifadə imkanlarını müzakirə edəcəklər

Rusiya prezidenti Dmitri Medvedyev aprelin 1-də Londonda ABŞ prezidenti Barak Obamaya cənubdan raket təhlükələrinin birgə monitorinqini keçirməyi bir daha təklif edəcək. APA-nın Rusiya KİV-nə istinadən məlumatına görə, bu barədə jurnalistlərə Rusiya prezidentinin köməkçisi Sergey Prixodko məlumat verib. O bildirib ki, raket hücumundan müdafiə sahəsində nativ qərarın tapılması hələlik mümkündür. Prixodko bildirib ki, D. Medvedyev amerikalı həmkarına ABŞ-ın Avropada raket hücumundan müdafiə bazaları yaratmaqla bağlı Rusiyanın narahatçılığını izah etməyə çalışacaq. “Çexiya parlamentində bu məsələnin müzakirəsi göstərir ki, bu mövzu qapanmayıb və nativ qərar qəbul etmək üçün resurslar tükənməyib. Rusiya Birləşmiş Ştatlara Azərbaycanda yerləşən Qəbələ RLS-dən birgə istifadə etməyi təklif edir”.

В этом разделе