Hacı İlqar bu barədə bəyanatla çıxış edib
Dini Etiqad və Vicdan Azadlıqlarının Müdafiə Mərkəzi son günlərdə ilahiyyatçılara qarşı təqibləri pisləyən bəyanatla çıxış edib. DEVAMM sədri Hacı İlqar İbrahimoğlunun yaydığı bəyanatda bildirilir ki, son günlərdə ilahiyyatçılara qarşı əsassız və qeyri-hüquqi addımlar atılması böyük narahatlıq doğurur: “Son günlərdə ilahiyyatçılar az qala kütləvi surətdə hüquq-mühafizə orqanlarına çağırılır, onların bir hissəsi inzibati həbslərə belə məruz qalır. İş o yerə çatıb ki, Əhli-beyt (ə) məddahları belə polisə çağırılır.
Diqqətə çatdırmağı lazım bilirik ki, bu hərəkətlər qüvvədə olan qanunvericiliyin, insan haqlarının kobud surətdə pozulması kimi qiymətləndirilir. DEVAMM olaraq, bu faktlardan ciddi narahatlığımızı ifadə edir, əlaqədar qurumlara bu vəziyyətə son qoymaqla bağlı çağırış edirik” /deyerler/
