"Biz ancaq öz təəssüfümüzü ifadə edə bilərik ki, xarici işlər naziri kimi adlandırılan şəxs Azərbaycanın BMT TŞ-də qeyri-daimi üzvlüyünə aid olmayan məsələlərə toxunur"
Azərbaycan tərəfi təəssüfləndiyini bildirir ki, Ermənistanın xarici işlər naziri Edvard Nalbandyan Azərbaycanın BMT Təhlükəsizlik Şurasında qeyri-daimi üzvlüyünə aid olmayan məsələlərə toxunur. Bu barədə Trend-ə Azərbaycan XİN-in mətbuat katibi Elman Abdullayev Nalbandyanın ifadələrini şərh edərkən deyib.
“Biz ancaq öz təəssüfümüzü ifadə edə bilərik ki, xarici işlər naziri kimi adlandırılan şəxs Azərbaycanın BMT TŞ-də qeyri-daimi üzvlüyünə aid olmayan məsələlərə toxunur. Erməni nazirin ixtilaflı, qeyri-məntiqi və əsaslandırılmamış ifadələri onun beynəlxalq təşkilatların fəaliyyəti barədə təsəvvürünün olmasına şübhə etməyə məcbur edir”, - Abdullayev deyib.
