“Pakistan Deyli” qəzetinin verdiyi məlumata görə İngiltərənin Milli Partiyası müsəlmanlara qarşı təhlükə kəsb edən partiyadır. Belə ki, partiyada insanlara faşist və irqcı ideyalar yeridilir.
Qəzet iddia edir ki, "Britaniya milli partiyası başqa siyasi partiyalara bənzəmir. Bu faşist təşkilatdır. Onun liderləri və əsas üzvləri vaxtilə güclü irqçi başkəsənlər olublar. Onlar asiyalılara, yəhudilərə və immiqrantlara həmişə nifrət ediblər. Son dönəmlər isə fəaliyyətlərini İslamafob istiqamətinə yönəldiblər. İslam haqqında yalanlar və uydurmalar yaymaqla insanlarda bu dinə nifrət hissi oyatmaq istəyirlər".
Xəbərdə İngiltərə milli partiyasının direktorunun da fikirləri qeyd edilib. Partiya rəhbəri Nik Qrifon islam dinini hətta "pis inam" da adlandırıb. O, iddia edir ki, Britaniya "müsəlmanlar tərəfindən müstəmləkəyə çevirilir".
“Dəyərlər”