İranın Simnan vilayətinin Damğan şəhərində zəlzələ olub.

APA-nın “İRİBNEWS” a istinadən verdiyi məlumata görə, zəlzələ nəticəsində 5 nəfər ölüb, 60-a yaxın insan yaralanıb.

Bu barədə məlumatı Damğan şəhər Fövqəladə Hallar Komissiyasının rəhbəri Rəhmətullah Şişeyi deyib. O bildirib ki, hazırda ərazidə xilasetmə işləri davam edir. Zərər çəkən vətəndaşlara yardım göstərilir. Ərazidə həkim briqadaları, Qırmızı Aypara Cəmiyyətinin işçiləri çalışırlar. Zəlzələ nəticəsində dəyən zərər araşdırılır.
Tehran Universitetinin Geofizika İnstitutu yeraltı təkanların saat 23.53 radələrində Simana vilayətinin Damğan şəhərində qeydə alındığını açıqlayıb.