Dünyada » ABŞ müsəlmanlarının 80%-ə qədəri Barak Obamanın fəaliyyətini dəstəkləyir
Barak Obama

Birləşmiş Ştatların ərazisində yaşayan müsəlmanların əksəriyyəti prezident Barak Obamanın fəaliyyətindən razıdır. Sosioloji sorğunun nəticələri bunu göstərir.

ABŞ prezidentini rəyi soruşulan müsəlmanların 78%-i, yəhudi icmalarının 61%-i, katoliklərin 50%-i, protestant və digər xristian icmalarının 43%-i dəstəkləyirlər.

2009-cu ilin yanvar-iyun ayları ilə müqayisədə bu ilin yanvar-iyulunda Obamanın prezident kimi fəaliyyətini dəstəkləyənlərin ümumi sayı 63%-dən 48%-dək enib.

"APA"nın məlumatına görə prezident fəaliyyətini ən az mormon dini sektasının üzvləri bəyənirlər – sözügedən dövr ərzində onların göstəriciləri 43%-dən 24%-dək düşüb. Katoliklərdə Obama 17% itirib, digər xristianlarda prezidentin populyarlığı 15%, yəhudilərdə 16%, müsəlmanlarda isə 8% enib.

Ateistlər və aqnostiklərin 63%-i Obamanın fəaliyyətindən razıdır. Ötən il bu rəqəm 75%-ə bərabər idi.

Все права сохранены © Dünya xəbərləri! Analitik-informasiya portalı

Перепубликация материалов возможна только с устного или письменного разрешения администрации сайта!